Falanqayn Qormo Cinwaankeedu yahay “Sababta aan uga Tagay Shaqada Macallinimada”
Sannadihii u dambeeyay waxaa soo ifbaxay dhacdooyin beeniyay sawirka malo-awaalka ah ee aan ka haysanay jaamacadaha Galbeedka, dhacdooyinkaas oo muujiyay inay yihiin jaamacadahaasi hay’ado siyaasadeeyay aqoonta, ayna maamulaan dabaqadda aristokraadiga ee ku howlan ilaalinta danaheeda dhaqaale oo kaliya. Waxaa dhacdooyinkaas kow ka ah dagaalka Qaza, ina tusiyay munaafaqadda Galbeedka gaar ahaan hay’adaheeda aqoonta iyo warbaahinta, intuu dagaalku socday – walina waa socdaa – waxaan wararka ka daawanay jaamacado Mareykan u badan oo ka horistaagaya ardaydooda taageerida Filistiin, xitaa waxaan wararka ka daawanay xarumo aqooneed oo shaqada ugu buriyay macalimiin taageeridda Filistiin darteed. Sidoo kale waxaa ka mid ah dhacdooyinkaas fadeexadeeyay jaamacadaha Galbeedka kiiska Jason Arday oo hadda dunidu hadalhayso. Hoobadka iyo sumcadbeelka ku socday jaamacadaha Galbeedka waxaa sababay arrimo dhowr ah oo aynaan midmid u dulistaagi karin, balse sababta ugu hadalhaynta bada...